أخر الحديث

بسم الله الرحمن الرحيم والصلاة والسلام على اكرم المرسلين أما بعد، فإنه لا يجوز لنا الحديث إلا بعد البسملة ولا الموت إلا بعد الشهاداتان وإلا كنا لا قدر الله من الخاسرين والله أعلم (ومن قال الله أعلم علمه الله ما لم يعلم)

يا أحبائي ويا اخوتي في الدين أردت أن أحدثكم عن حادثة الفيلم الإيراني الذي وقع بثه على قناة نسمة الفضائية يوم الجمعة الفارط وعن الهبة الشعبية الإسلامية المدافعة عن قيام الدين وليس عن الله عز وجل فكيف ندافع عنه وهو القوي ونحن عباده الضعفاء..

إن في هذه الهبة لا دلالات عميقة لتجذر الإسلام في هذه الأرض المباركة وفي هذه النفوس والقلوب العامرة بالإيمان رغم كل محاولات التغريب الفكري. والأن يجب العمل على غلق هذه القناة وكر الإلحاد والعهر الإعلامي.. باللين أو بالقوة ويجب على العاملين فيها الإستقالة إن كانو من غير اللواط والعاهرات ونحن نعلم أنهم كذلك

في طريق العودة

- شيخ سعيد ! شيخ سعيد !!
- أهلا بجارنا العزيز
يتمتم شبيه ولا يحكي بنحن هذا ؟

- وبيك أكثر يا شيخ

- يخي مش كأنها لغتك تبدلت شوية في الدرس متع إليوم تتذكر منين اخترناك إمام للجميع بالرغم إلي عندنا مدة ما نعرفو شي عليك أما وقتها قلتلن تونس بلاد الناس الكل حتى الشيوعي مرحبا به أما احنا ندفعو على مشروعنا والشعب هو الفيصل. إليوم مش كأنك كثرتلهة من الشتائم هاو متفرنسن هاو كفار هاو عاهرات و مثلين يخدمو فيها .. ماك تعرف توا واحد يسمع هل كلام وبنت أخته تخدم فيها بش يتقلص شوية من برشة
- اسمعني ولدي
(شبيه يحكي بولدي هذا)
-أنا راني في الأمور الدينية ما نيش ربي بش نبدل في رسالته هذاك هو الدين وكانك على بنت أختك قلها تخرج من قناة الفضايح هذي
- ماهو .. الخبزة..
- لا ماهو لا شي اسمعني مانيش بياع في السوق بش تبيع ويشري معايا في الدين
-ما نحكوش على الدين لهنا أما الخبزة فش جات
-قلي ملا المرة الجاية تخدم راقصة ولا في بار واش علينا

- سيدي ( يتمتم ازاح أول مرة نقولو سيدي علاش كأني حاجتي بشهادة منو) ماهو (بالحرام لاني بش نحكي معه بالدين اخرتها نقولو سيدي ..واحد أجهل من سباتي أصغر منو بعامين وخذيت السزيام وهو لا ) الحرية

- لا، الحرية احنا معاها وماك تعرف حركتنا كانت تناضل من أجل الحرية أما الحرية عندها حدود .. نجيشي نسبلك الوالدة بسم الحرية ؟
- ماو (يتمتم أما إلي سبتهم توا ميسالش ) زادة كل واحد فهمو للحرية مش لازم نتفاهمو على الحدود قبل..

-إذا نحكمو بغير ما أمرنا به الله فذلك الخسران المبين .. حاجة حرام يعني حرام !
- وشكون يحدد ما أمرنا به الله يا شيخ ماك تعرف احنا ديجا في جمع صغير فما صراع على الإمامة

- طبعاً أهل الذكر من العلماء
- ماهو هكاكة يجيش واحد مسيحي يقولك معادش تشهدو ولا تأذنو خاطر حرام عندنا

- أنا مانيش نصراني وأنا إمام وحسيبي ربي -بإنفعال- تجسيد الله حرام يعني حرام ومنعملوهش في أرض الإسلام

- ملا هكاك حتى الشراب حرام وصوت المرأة حرام والإختلاط حرام وعند البعض الجلوس على الكراسي حرام والقنوات الكل تعدي في غناء حرام جات على هذي ؟ بش نولو من المنافقين يا شيخ؟

- كان جات الدنيا دنيا منخلو شي حرام يتعمل في هل بلاد المسلمة .. وزيد كان لاحظت أنا قلت مبكري لازم نفهمو الدلالات متع الهبة .. توا جزء من الشعب جاء معنا ومبعد مش بش ينجم يوخر ويبدل رايو.. شعب راسو كاسح ... أما توا مش وقتها الحكايات هذي .. الحرب سجال كر وفر ... منين يصير إلي نحبو تو تزيد تفهم

-واضح، يا شيخ واضح، ...واضح عل لخر..

يوم التدوينة المدنية: الخطر موجود رغم سذاجتكم

بمناسبة يوم التدوينة المدنية، هاني قررت باش نشارك ونوري الناس إلي الخطر موجود على بلادنا. نعرف فما عباد مثلاً كيف تحكيلها على التطرف يقولك شبيك خايف اى ولدي ما فما شي، الإسلام باهي! إي شكون قلك الإسلام خايب ولا بيه ولا عليه؟ فما ناس عندها تفاسير متطرفة ومعادية للحريات، وهذا ما يعنيش تشويه للإسلام أما السكوت عنه هو عين السذاجة. توا حزب التحرير موجود ولا؟ مهوش خطر على الحرية؟
فما شكون في بالو كيف نقولو لازمنا التوانسة الكل نكونو ضد التطرف يمشي في بالو نهاجمو في الإسلام؟ ولهنا قمة العوج، توا احنا ألمان بش نهاجمو الإسلام؟ على كل حال إلي بكل سذاجة ماشي في بالو مفماش خطر على تونس، هاني باش نفسرلو إلي فما ناس فهمها للإسلام يسمح بأنو إذا فما سلطان حسب رأيهم فاسد فيجب الجهاد ضده والذي لا يجاهد فهو راضٍ بحكمه وهو فاسد بالتالي ويحل دمه ونساءه وابنائه، وهذا هي في العموم ما اصطلح على تسميته فتاوي لندن، إلي سمحت للحركة التي تسمي نفسها إسلامية في الجزائر بالهجوم على قرى معزولة وذبح من فيها وبالمناسبة الجزائر جارتنا والحركة هذي انضمت للقاعدة ومعادش خدمتها كان الجزائر أما خذات سكتور المغرب العربي كامل. معناها كان فما شكون خطرلو إلي يحكم في تونس فاسد متستغربش نهار تولي كافر وما فيبالكش
هذا الجانب المخطر وهاو رابط صفحة تنشر فيديوات القاعدة وتهتم بالوضع التونسي وفيها 17 ألف عضو (اللهم أنعمت فزد). و فما جانب أقل خطورة من الإعتداء الجسدي لكنو خطير بعد ثورة الحرية، كيما لعباد إلي تحب تسكر القهاوي والمطاعم في رمضان بالقوة، ولا الناس إلي سكرت المواخير بالقوة الجسدية لا القانونية ( والله أعلم قداش من ماخور غير مراقب تحل) وكيفكيف الناس إلي تحب تفرض أي أجندة بالسيف كما إلي يحب بنات الناس ينحو الحجاب، كما إلي يحب ينحي الشراب الكلهم فرد ساك يقضيو على مدنية الدولة بصفتها إطار تنظيمي لكل الناس و تسمحلهم باش يعيشو بحرية مقيدة بالقانون إلي لازمو يراعي الناس الكل، مش طرف بركة حتى وإن كانو أغلبية .

إلي بالرسمي مش حاسس فما خطر على تونس وقاعد لاهي يفركس على اش قال واحد ملحد، ويقول فما خطر على الإسلام فهو سامحوني في الكلمة ضايع فيها وما يعرفش إلي الإسلام متجذر في الشعب وإلي ما فماش حتى خطر عليه إلا من المنتسبين إليه مثل التكفريين أو حزب التحرير الذي لا يؤمن بالحرية وإلي منعرفش علاش يقع الحديث عن وجوده كأمر عادي.. وهاي غناية فرحانين ونشالله كل ثورة واحنا فرحانين، أما إلي حبيت نوريهولكوم في الفيديو هو المحجبات إلي داخل هيئة تنظيم إجتماع حزب العمال الشيوعي بقفصة إلي يعتبر أقصى اليسار، معناها إلي مازال خايف على الإسلام من الأحزاب المدنية مذابيه يمشي يرتاح خيرلو وياخذ راحة يحسب فيها عدد المسلمين في تونس باش يعرف إلي الإسلام جبل ما يهزو ريح ف هالبلاد، أما الأحزاب الإسلامية تحب تنصب روحها حامية حمى الدين باش تكسب أصوات وتنفذ فهم معين واحد ووحيد للدين الحنيف... وبكلام وسذاجة كيف المنتشرة هليامات برشة ناس تعاون فيها وتسيب في التطرف متاعها كما بسيكو م ، إلي يقول بكل وقاحة "كان جا بيدي نعطيهم بالكلاشنكوف كما هذاك إلي عمل ماكينغ أوف" الناتج عن الخلط المتفشي بين الإسلام والإرهاب في عقله كما برشة عقول أخرى، تحب تتجاهل تفجيرات مراكش اليوم، وقتل متضامن إيطالي أيامات التالي في غزة.

ختاماً إلي مازال في بالو مفماش خطر على الدولة المدنية لازمو يحاول يفيق ويشوف شنوا صاير توا ويخمم بشمول أكثر، ويبعد على كل سذاجة في التحليل ومراهقة تنجم تخليه يجهل المعنى العميق للحرية، وتخليه معادش يفرق بين التهجم والنقد، و تخليه ما ينجمش يستوعب حق الأخرين في الوجود والتعبير الحر والنابع عن قناعاتهم،

المفيد، احنا نحبو أي مواطن تونسي عندو الحق في الوجود والعيش والحرية، نحبو المتدين عندو الحق يمارس شعائرو إلي ما تضر حد بكل حرية، واحد ملحد عندو الحق يكون ملحد ويعبر عن الحادو دون خوف من باقي المجتمع الذي سيحترمه كما يحترم المتدين.

هذي هي تدوينتي المدنية ونتمنى كل عبد يفهم معنى الحرية إلي ثارت على خاطرو الناس، وإلي تكلمو فيه وقادوه شباب تقدميون ومازلت أذكر فيديو كلمة أحد شباب الوطد أمام محكمة سوسة بعد أيام من إنطلاق الثورة. ذاك الشاب لا أعتقد إنه خاطر بمستقبله من أجل أن تغتصب منه حريته تحت أي مسمى كان.

Le politique et le religieux!

Et nous pâtissons tous de cet état de fait depuis trois décennies. En ce sens que les fondamentalistes radicaux tiennent, à tout prix, à teinter de confessionnalité tous les compartiments de la vie. En effet, il ne saurait y avoir, pour ces doctrinaires de la vision globalisante religieuse, de politique ou de droit ou de philosophie ou même d'économie, voire de science, qu'islamiques. N'a-t-on pas entendu - à titre d'exemple - un " éminentissime " mathématicien, à l'entendement altéré par les thèses distordues islamistes, soutenir, le plus sérieusement du monde, devant ses étudiants sidérés, que dans la géométrie euclidienne, certes, deux droites parallèles ne se rencontrent jamais, sauf si Dieu Tout-Puissant et Sage décide de les faire se croiser ? ! ! Lorsqu'on lui objecta, tout de même, qu'en épistémologie, l'axiomatique mathématique ne consiste qu'à établir des systèmes formels complètement autonomes, ne représentant aucune réalité extérieure où seule compte la logique interne dans une autovalidation, même si par ailleurs chaque système est isomorphe à un pan de la réalité qu'il est censé modéliser, il rétorqua en balayant d'un revers de main ce qui pour lui n'était qu'une vaine ratiocination, que tous les domaines de l'activité humaine, et ce qu'elle produit, appartiennent à Dieu.

Et, voilà que nous retrouvons toujours le même argument qui met fin à tout débat, avant même qu'il soit instauré.
C'est le même fil conducteur qui mène les idéologues de l'islamisme politique à rejeter la dissociation du politique d'avec le religieux, dès lors qu'ils considèrent que c'est là un mode de pensée qui heurte l'essence même de la religion islamique. Lors donc qu'elle érige Dieu en principe absolu de cet univers, hommes, vie et mondes sont la propriété incontestée de Dieu qui détient la Puissance suprême. Certes, la souveraineté cosmique divine est incontestable pour les croyants monothéistes et son omnipotence est attestée. Dieu nous est Proche. Il nous est même plus Proche que notre veine jugulaire, mais rendre sa souveraineté et son omnipotence coextensives jusqu'à la moindre petite circulaire ministérielle reviendrait à la ridiculiser. Vouloir trouver dans le Coran de quoi étayer le moindre petit arrêté municipal n'est pas sérieux. Cela consisterait, surtout, à usurper le rôle de porte-parole de la Providence à laquelle incombent in fine la rétribution et la guidance. Le contact fulgurant et impérieux de la transcendance avec la réalité contingente n'implique, en aucun cas, un protocole opératoire. Ce n'est pas du tout un recueil de règles et de formules pour les actes publics.

En tout cas, ni la Providence ni ses directives ne sauraient être confisquées par qui que ce soit.
Didi!

رد على تدوينة : نقد النهضة

هذي بش تكون لي سابقة بش نكتب تدوينة كرد على تدوينة أخرى ممكن متشجع خاطر المدون المعني بالأمر صديق إفتراضي ليا و نتوقع إنو باب النقاش معاه مفتوح أكثر من برشة دوغمائين (أهوكة ضربتلو اللغة بش ما يدخلش فيا) ، وزادة لأني حسيت إنو لازم تقديم الصورة للعموم و نظراً لطول الطرح خيرت مش بش يكون تعليق بل تدوينةلهنا بش نحكي على هذه التدوينة للمدون بنفسجيت حر كاليميرو ، أملاً في انو يفهمني ويتناقش معايا
حسب ملاحظتي الأولية : كتب الخبر في سياق يطغى عليه إتجاه واحد ومنظور واحد، معناها -مش كيما قال ولا يظهر من كلامو إن نقد النهضة مافيهيش جانب صحيح ما عن حتى علاقة بمفهوم هجمة- نقد النهضة فيه الغث والسمين وأهم حاجة المغالطات من الجانبين، فما أغلاط وفما تمسكين زادة من النهضة و احنا نتعرضو لحملة و احنا يا حليلنا نسخفو و احناحقوقنا مهضومة و نعانو من الإسلاموفوبيا!! توا بلكشي عايش في اللامريك بش تقلي إسلاموفوبيا ؟ تونس أغلبية ساحقة مسلمة وتقلي إسلاموفوبيا؟ توا أنا نعرف حتى السكارجي ماخذ فكرة بهية علي يصلو والملتزمين هاو هذاك ناس طيبة يصلي ويعرف ربي. تي مرة في تكويرة الراجل يحب توش قتلو ما مستنيش الكرة، جاني صاحبي فرد ايكيب وقلي الراجل يصلي مش بش يكذب عليك!!! وإنت تقلي إسلاموفوبيا؟ تعرف شنوا معناها يخي ولا تتهيبل؟ معناها إنت مسلم دنك تخوف، إذا فما خوف من التطرف ما يتسماش اسلاموفوبيا وإلي يمن إلي فما إسلاموفوبيا في تونس يا إما بهيم حشاكم ويا إما لغاية في نفس يعقوب كما لحبيب إلي عامل الصفحة هذي

باهي توا نرجعو للرد على التدوينة، فما إشاعات وإشاعات مضادة، حسب ما قلت إنت إشاعة حكاية الأستاذة والنقاب، أناحسب ماعرفت لحكاية هذي خرجوها برشة ناس متعاطفين مع النقاب على الأقل اصدقائي منهم خرجوها كيما خرجو
هاك الطفلة في صفاقس إلي باعترافها تقبحت على الأستاذ خاطر ما قبلهاش بالنقاب وجابت خوها عطاه طريحة، والجماعة تتبكى والله ما حقوش الأستاذ، نورمال ياكل طريحة وتتقبح عليه تلميذة!، قال شنوا حرية ! والله نتمنى من هذو الجماعة كانهم جماعة حرية, ينادو بالحرية حتى للعرايا معناها كيف يجيك أستاذ قلم ما يقلقكش، ولا وقتها الحرية تولي عندها ضوابط؟ وكيفكيف على المثلية الجنسية.... إلخ إذا إنت تعتبر انها حرية شخصية، ووقتها نفهمك إلي إنت وصلت لدرجة في منظور الحرية متاعك فاتتني وفاتت مخيالبسيط أما ضربان اللغة مش لازم منو.

سامحوني طولت في التعريج، جيست حبيت نقول إلي الدعاية والدعاية المضادة موجودة.

باهي بالنسبة للحرية الدينية مسمعتش أنا فما شكون مش بش يضمنها؟ واللهي توا حتى هذا كلام!
بالنسبة لإستعمال المساجد صار, والناس الكل لازمها تحكي فيه وسامحني حطان النقطة هذي في سياق التدوينة اسمها مغالطة كبيرة، كأنها مش نقد هادف وعندو معنى، أنا نحكي مثلاً على بلادي جربة صارت مشاكل على الحكاية هذي متع تغير الأيمة، معناها النهضة قاعدة تتدخل ومش من حقها،وبالنسبة لإستعمال المساجد (خاصةً بالطريقة إلي حكى بها صديقنا كالميرو ، كأنو يقول يا مصلين كان مش بش تصوتو نهضة راهو الجامع بش يسكر ويردوه بار! قلو ضمان الحرية الدينية

يخي فما شكون
مشبش يضمنها؟ تي الوطد قالك عنا رفقاء حجاج بيت ربي وإنت تقلي ضمان درة شنوا! حتى هذا كلام! حملة التسييس في المساجد مع الوعي المحدود والجانب التقديسي تخلي العملية مربحة ونفهم علاش النهضة تنحي إمام من البي دي بي بش تحط إمام نهضوي كما صار في صفاقس. الوقاحة والإستهتار بالمعتقدات المذهبية وصل بيهم بش ينحو إمام اباضي في اجيم جربة (نأكد إنو كان صباب كبير) وتعويضه بإمام مالكي ولا سلفي ولا شنوا المهم عرفوه مش اباضي من تكبيرة الإحرام ، قال شنوا الكلنا مسلمين وكيفكيف، قالولهم أهوكة فما جامع المالكية قلك الناس الكل تصلي معانا، كان هكا وما وصلوش للسلطة وما يحترموش الأقليات ، ملا كان جات بيدهم كيفاش؟




وهكا بش نتعدى لحكاية إيران، لهنا نحب نقول التاريخ لا يرحم إلي ما يتعلمش منو، معناها كيف نقول منحبش مثلاً ثورة مذهبية ولا دينية معناها كيف تاخذ مسافة من النهضة وما تكونش منساق أعمى وراء قيادتها حتى ولو بش تصوتلهم، هذا ما يعنيش انك تلوث في صورتها، أما لزمنا نتعلمو من تجارب الدول الأخرى وكيفية إنهاء ثورة، ماهيش بالسهولة إلي نتوقعوها كيف نشوفو اش صار بعد ثورة روسيا وثورة إيران، معناها التعلم من التاريخ مهوش هجوم غير مبرر ضد النهضة بل إنارة لكي لا نسقط في أخطاء سقط فيها غيرنا، والمقصود هنا اليقظة من أي إنحرافات عن مسار ثورة الحرية لا من النهضة فقط بل من جميع الأطراف؛ النهضة والشيوعيون وبقايا

الدكتاتورية والدكتاتوريين الجدد، وما يمكنني ملاحظته هو إنتشار ضاهرة مسكنة النهضة والنهضة فوق النقد الشيء إلي يسهل دكتاتورية جديدة خاصةً مع بروز هذا
الكام الهائل من البرهان بسيس المنتشرين هنا وهناك.

باهي بالنسبة لكتب راشد الغنوشي وبالرغم من إنو تكويني علمي بالأساس، إلى إن معرفتي بكتابة فرويد تخليني نهستر بالضحك من الفقرة المذكورة، خاصةً وإنو المرأة ومهما كان السياق، لا تتمحور حياتها حول وضيفتها الجنسية بل إن المرأة والرجل وحسب علم النفس، تتداخل أفعالهم وميولهمو التطور النفسي والتكيف الجنسي الاجتماعي يرتبطان بالسن وبتطور الفرد جسدياً واجتماعياً بصورة وثيقة، أما لا علينا ممكن أنا ضيع فيها وكتاباتو كمفكر لا تعنيني قدر مواقفو كسياسي،

لا علينا نمشو توا للمغالطة الكبرى والمحرمة وإلي من كثر ما سمعتها ولت تسببلي توتر في أعصابي
كيف نقول أنا مسلم وما تمثلنيش النهضة والنهضة لا تمثل الإسلام بجاه ربي وينو الإقصاء؟ توا مؤخراً أي واحد ينقد النهضة يجيه كيل من السباب المجاني، هاو تلميذ بن علي ويدعو للإقصاء! براس أمك كيف انتي ما تمثلنيش وينو الإقصاء؟ توا هبال هذاية ولا تهيبيل؟ (سامحني أما النقطة هذي بالذات من كثر ما سمعتها خايف كان يحكيهالي خالي (النهضوي) ندغرو بسكينة و نباسي في جرتها*)
هذا رويق حزب فوق النقد ونظرية الهولوكست كما إلي حكى عليها يوسف لهنا، ما يلزموش يتسخر، كأنو احنا ناقصين تقديس وتكفير

خلي نزيدو إقصاء، تي هما

قال شنوا إلي ما يحبش النهضة

كافر وكما قبل إلي يدعو للعلمانية كافر، وهما لعباد إلي تكفر ماهيش في ثقافة الطالبي ولا

جعيط

...إلخ خلي نزيدلهم حجة الإقصاء ملحيط، يخي يا أخي نرى انك متصلحليش وما تصلحش لتونس إقصاء هذا؟

باهي بالنسبة للي صار في قليبية توا نمشي معاك إنو فيه استفزاز (غير مرغوب فيه حالياً لحساسية الضرف لكنه ضاهرة صحية لنشاط المجتمع المدني ويصير في كل الدول الديمقراطية وين تلقى تظاهرات مناوئة) ، أما ماكانش التجاوب معاه بالطريقة الوديعة إلي تحكي بها فما كاميرا تخطفت، وفما تكفير وسبان من الجهتين أما جيست حاجة التشبيه بمنع البي دي بي والتجديد مجانب للصحة، كيف تلقى عباد تحب تدخلباش تناقش ماهيش كيف عباد تمنع تجمع، وبالمناسبة صفحة الحقائق الخفية إلي نشرت هذه التدوينة، كانت تبارك

هجمات عنيفة على البي دي بي والتجديد

لكن هذا منتظر من مثل هذه الصفحات المنافقة بالرغم اني سمعت إنو صديقنا المدون محمد تيتو متع المتنوشة معاهم، أما يا خويا مش معقول هذا الإنفصام


بالنسبة لمجموعة الفدلكة (إلي مانيش داخل في حتى وحدة فيهم إلى متع الطماطم خاطر بالرسمي نحب الطماطم أكثر من راشد الغنوشي و ضهرلي أنا حر في ميولاتي، يوليش زادة كره الطماطم وعشق الشيخ راشد واجب ديني أو أخلاقي؟) أما بش نعطو صورة كاملة، المجموعات هذي ما تعني كان المتطرفين وفي سياق رد على الصفحات والمبيدات القامعة لحق التعبير والأراء مثل هذي، إلي تطالب فيا بالهجرة نحو لامبيدوسا

بالنسبة لإحتقار المرأة، مثلاً حسب منفهم من كلامك نتعرفو عليه من خلال تصرفات عائلة الغنوشي وهذا إنجمو نعرفو من خلالو إلي النهضة بش تسمح بتعدد الزوجات بما إنو الشيخ راشد متزوج زوز نساء

بخلاف كلامهم على حقوق المرأة عند الطلاق.. إلى غير ذلك، معناها المنطق متاعك نفهم منو إذا ولد راشد الغنوشي معلم في الكورة، تونس بش تهز الكوب دي موند إذا شد الذيخ راشد، هل متشابهات الشعبوية ما عندها حتى معنى كان عند أصحاب العقول البسيطة

بالنسبة للعباد المتطرفين وإلي يسيئو لقضيتهم قبل النهضة نقلك إي نعم موجودين وحكيت عليهم قبل مثال لهنا ولهنا أما هذا ما يعنيش إنو يبرر الكم متع المغالطات المنتشرة.
ملخر بالنسبة ليا كنت نستنى في برامج قبل ما نعطي صوتي أما بتصرفات النهضة مانيش باش نعطيها صوتي مش دخولاً في النوايا أما كي نسمع أفكار من قبيل المنع التدريجي للخمور نعتبرو إعتداء على الحرية وما صارش في أوج الحضارة الإسلامية وللي ما يعرفش نورمالمون يتذكر شوية أبو نواس إلي يتغنى بالخمر والخمارات.
النهضة ما تستحقش الحديث عليها هذا الكل خاطر في كلمتين تنجم توصل إلى فشلهم السياسي ورغبتهم الوصولية، كيف تسمع أفكار خلاقة مبدعة كيف هذي تقول يرحم الأم إلي جابت:

(المكتوب غادي:

من النقاط الهامة التي طرحها الدكتور عبد اللطيف المكي هو تردي قطاع الخدمات في بلادنا و قال أنه نشهد يوميا إزدحام كثيف في قطاع النقل و المستشفيات(تأجيل المواعيد علاج المرض بأسبوع وأشهر في بعض الأحيان) وعديد الخدمات فيحين أن لدينا عديد العاطلين عن العمل من أصحاب الشهادات العليا و غير حاملي الشهادات و قد طرح أن من واجبنا أن نقوم بإنجاز مستشفيات جامعية أخرى و مشاريع نقل أخرى وتحسين البنية التحتية وتطويرها بما يفتح باب التشغيل أمام غير حاملي الشهادات وبما يفتح أيضا فرص هامة لإنتداب إطارات من حاملي شهادات العليا وبذلك نكون قد حسنا مستوى الخدمات المقدمة للمواطن و فتح باب تشغيل هام
admin 2

Par : شباب حركة النهضة الاسلامية على الفيس بوك)

ولا تسألهم على تهربهم من إمكانية عقد ميثاق جمهوري (مهوش كما قيل انها مبادرة المواطنة بل يقع عقده داخل الهيئة وتنجم تلقاها بكل وضوح لهنا وتهرب واضح، توا يخي أنا باش نعمل إلتزام أخلاقي نشور الشعب؟ ولا الأحزاب الأخرى؟ شاورت الشعب باش تعمل القانون الأساسي؟ يخي الشعب باش يصوت للمبادئ متاعك ولا هات يصوتلك وأنا نعملو اش يحب،كأنك تقول لحزب بيئي
(فش قام تكون بيئي ستنا موافقة الشعب

ولا السطو على المنصب الجهوية كما المجلس البلدي إلي عينو فيه خالي في
إجتماع حزبي داخلي لتكريم مساجينهم
!!!

ولا يجيبلك في اجتماعاتو بسيكو م بش يسيب إرهابو الفكري تحت تفاعل الجمهور : "

"كان جات عندي القدرة نعطيهم بالكلاشينكوف كما صحيبنا أذاكا الي عمل مايكينغ أوف"

الحاجة الوحيدة إلي نراها ممكن تخلي النهضة تربح هي نظرية الحكم بحق إلهي بما إنو سي اللوز يقول إن الله قد باراك مشروعهم وزكاه (الفيديو بدايةً من الدقيقة 9 و-15 ثانية) ومن السذاجة تاعو قال والدليل هذا النصر العظيم، على حسابو ربي يبارك مشروع إسرائيل والدليل الانتصارات (الحقيقية مش الوهمية ) متاعها المتاتلية على أمة خلت أمثالو يصبحو خطباء فيهم

أية افرق الحضبة من غادي

العلمانية مرة أخرى: دور بعض دعاتها في الخلط في مفهومها

توا العبد كي طار عليه النوم، قلت برى ميسيليش نكتبو تدوينة نوضحو فيها بعض الأمور إلي نورمالمون تكون واضحة ديجا، أما العبد اش عندو يعمل؟
حكيت على الخلط في موضوع العلمانية لهنا، واكتشفت بعض الردود العنيفة من ناس عندها فكر مسبق في الموضوع وتخمم بمنطق بوش وما تقرا كان بشطر عين، أنا -وعلى حسب ذاكرتي- الموضوع الكلو إستغراب وتعجب من بعض التصرفات. أما يضهرلي إلي فما شكون لم ترق لهم تبهيمتي، واعتبروها في سياق المؤامراتي والحرب على الإسلام، قلت هاو مجال

بش نوضح إلي هذا الخلط يتحملو جزء كبير من أسبابو بعض دعاة العلمانية، بالرغم إلي أنا حكيت ديجا على مواضيع مشابهة وعلاقة النسويين واليسار بالإسلام والنص الديني،

2- أما في الزيادة إفادة، وخلي نوضحو لومور ونبينو فشل دعاة العلمانية في الدعوة للقضية متاعهم والسبب فيه برشة أطراف، نبدا مثلاً بسفيان دافيد، الشخص هذا مثلاً أكثر منو يفيد القضية بتصرفاتو هو يسيء لها، أولاً على خاطرو ناشط فايسبوكياً، ومواقفو تتراوح بين الحرية والإساءة للدين، لهنا مانيش بش نحكي على هامش الحرية وأماهو حرية نحبو ناخذو -بين حرية كاملة وحرية دون الإساءة للحساسيات الدينية- أما مثل هذه التصرفات تخلي نفور من الأغلبية المسلمة الشيء إلي يخلي عوض مناقشة الأفكار ، اناقشو الأشخاص، هذا بالطبيعة ناتج عن سطحية أمثال هؤلاء الناقدين، أما زادة ناتج وبصفة كبيرة لاستفزاز المشاعر الدينية متاعهم (صحيح هما زادة ساعة ساعة يستفزو المشاعر الدينية لليهود والنصارى والملحدين -إذا جاز إعتبار الإلحاد شعور ديني- أما مهوش موضوعنا توا)

3- فما زادة الحركة النسوية في تونس ممثلة في جمعية النساء الديمقراطيات وإلي تعاني من إنفصام بين الحرية إلي اطالب بها وبين إعتبار حرية المرأة في إختيار ما تلبسه مثل الحجاب رمز للخضوع، وأهم غلطة هو تفجير موضوع الميراث في الوقت هذا، بالرغم إلي هما لهم مدة يحكوا عليه ديجا وحكيت عليه أنا سابقاً لهنا في الفقرة 5 ، إلي كان نستعرضها بعجالة، هي تجاوز النص الديني وإمكانية خسارة المرأة لمكتسباتها، صحيح هما يقولك هذاك ونزيدو عليه في نطاق ما يسمونه التمييز الإيجابي، أما فش قام تمييز؟ علاش الراجل يتضرر أكثر ملي متضرر هو توا؟ المهم نرجع للفكرة هذي وعدم علاقتها المباشرة بموضوع العلمانية، خاطر الإنسان حر في أملاكو وين تمشي وبماهو دين تتوزع، ملخر صحيح بعد العلمانية ينجم يتحل مثل هذا النقاش، أما زادة العلمانية براء منو ومن إعتماد أي ناس قانوني في حكاية الميراث، ديجا فما برشة تو يكتبو بسم بنتهم إذا ماعندهمش ولاد بش ما تمشيش الورثة لولاد خوهم، معناها القانون مش ديما يطبق، ومينجمش يدخل في قرارات صاحب الملك وضهرلي حق الملكية مقدس، -مع الإعتذار للإخوة الشيوعيين-

4- بطريقة أخرى، الموضوع هذا برشة ربطوه بالعلمانية زوراً وبهتاناً عن طريق تفجيرو من قبل النساء الديمقراطيات، بالرغم إلي هما عندهم مدة طارحينو أما ما كانوش متابعين وهذا خلاهم يقولو إلي العلمانية تدعو للمساواة في الإرث وتجاوز واضح لخصوصيات الناس العقائدية بالرغم إلي هي نورمالمون تضمنها، وبالرغم زادة إلي برشة دعاة للعلمانية مهمش موافقين على هذا الطرح على خاطر وبكل بساطة معندوش ربط مباشر بالموضوع

5- فما زادة بعض التعاملات وخاصةً من اليسار التونسي إلي ديما نقول مازال موصلش لنضج كبير خاصةً على مستوى القاعدة الشبابية، وحتى بعض الليبراليين اللادينيين، كنت تعرضتلها سابقاً لهنا، وإلي تخلي فما نفور من الأشخاص قبل الأفكار وكالعادة لصق في العلمانية، كأنو العلمانية تجمع نقاط ضعف المنادين بها من الشيوعيين إلى الليبراليين والخلط هذا نتوقع إنو ساهمت فيه بعض الأطراف المنادية بالعلمانية،

6- ختاماً أهوكة حاولت نوضح أخطاء المنادين بالعلمانية وسبب من أسباب الخلط في نظري، صحيح يقول القايل المشكلة في تقبل المتلقي، يخي منين نقول بن لادن يمثل الإسلام صحيح؟ ولا البهائية تمثل الإسلام؟ ولا الصوفية..؟ أما هذا واضح بالنسبة لشعب عندو حد أدنى من الثقافة الدينية أما الثقافة السياسية الوليدة ضهرلي لزم نسايسوها،

العلمانية، النهضة وبرهان بسيس، تبهيمة ميتافيزيقية

إلى

الذين عوض أن يحاججو ويقنعو، يشتمون ويسبون

ويدعون ويفبركون،

أتعجب من البعض،

الذين،و بعد ثورة الحرية يهاجم من يطرح أو يعبر عن فكرة لا تعجبه

أتعجب من الذين

يدعون الإسلام ولم يقرأو لكم دينكم ولي دين

أتعجب من الذين يدعون إن دعاة العلمانيية لم يشاركو في الثورة

ويتناسون الدور القيادي - أقول القيادي- لعمروسية والشورابي وغيرهم

أتعجب من الذين يعتبرون النهضة هي الإسلام

والعلمانية إبتدعها الشيطان

أتعجب من الذين يطالبون بإحترام الأقليات المسلمة في الغرب

ولا يروق لهم نجم نبي يؤمنون به إن كانوا يفقهون

أتعجب من اللذين يعتقدون إن العلمانية إلحاد

وكلام القرضاوي قرأن

أتعجب من الذين تجمعهم كلمة الله أكبر من أجل الشتيمة والتنابز بالألقاب

والسباب والتهجم ولا تجمعهم و هي في بداية الأذان

أتعجب من الذين يدعون أن اللائكية تتنازل عن فلسطين،

ويتناسون ليلى خالد الشيوعية حتى لا نقول العلمانيون فقط

أتعجب من الذين يعتبرون العلمانية هي التي تبيح المثلية الجنسية،

وكأن مبدأ سياسي كالفصل بين السلط هو الذي يبيح النوم في الحدائق العمومية من عدمها

أتعجب من الذين يركبون الدين للوصول إلى منصب سياسي،

كأنهم يحكمون بتفويض إلهي

أتعجب من الذين يعتبرون الدعوة إلى اللائكية تهجماً على الإسلام

أتعجب من الذين لا يعيرون إهتماماً للأخرين

في حين كان الاخرون يناضلون من أجلهم

واحزن حد الألم حين أرى دعوات للتهجم على من يعبرون عن رأيهم

تقابل بسيل من التهليل،

.

راجعوا أنفسكم هل نحن جاهزون فعلاً للحرية؟

بالفلاقي الصريح متشمتوش بنا برهان بسيس إلي قال تونس في طريق لبناء ديمقراطية مع بن علي، خاطر ماهيش مستعدة لذلك الأن

قالها ثوري ذات يوم

حتى إن كنت لا أوافقك الرأي ، و لكني سأقف حتى الموت مدافعاً عن حقك في أن تقول ما تريد

قالها ثوري ذات يوم، فأين نحن من هذا

ملاحظة؛ هذه التدوينة لا تمت للشعر بصلة فقط تبهيمة ميتافيزيقية

حذار فالكفار قادمون

ينتشر الكفار والفاسقون والفاجرون من أصحاب الفكر الحر اللعين في الفايسبوك مما يهدد التونسيين في ايمانهم وتقواهم ويخلق حالة من الاختلاف الشيطاني في الرأي والعقيدة لذلك يتسابق الكثير من التونسيين أعزهم الله وقوى ايمانهم لارغام ادارة الفايسبوك على حذف حسابات هؤلاء الكفرة...

انهم عبدة الشيطان الذين ينتقدون كل ما له صلة بالاسلام والمسلمين ويدعون الى تطوير العقليات ونفض غبار الخرافات وتتم محاربتهم عبر الفايسبوك من خلال مجموعات مباركة أنشأها اصحابها لملاحقة كل من تثبث ادانته بفعل يمس من ثوابتنا وأخذ أحدها شعار مبيد حشري معرفا اياها كالآتي : للقضاء على بروفيلات الملحدين والمنصّرين وغيرهم من ناشري الأكاذيب و الفتن في الوطن العربي شعارنا: بالشلاكة على ريوسهم.


انهم الفاجرون الذين يدعون جهرا وعلانية الى اتباع النموذج الغربي الصليبي المتصهين وينتقدون بكل وقاحة عقلية الحلال والحرام وعذاب القبر التي انتشرت في صفحات الفايسبوك والتي يغذيها مقاطع فيديو لشيوخنا العظام أصحاب اللحى الطويلة الذين يملكون مفاتيح الآخرة ومقاطع أخرى تبين بالشرح الدقيق ما ينتظرنا من أهوال أيام القيامة وعذاب القبر الموحش اضافة الى قائمات الحلال والحرام يعدها لنا فقهاؤنا الأجلاء.


انهم الخنازير الذين ينتقدون اللباس الاسلامي من الحجاب الى النقاب الى البرقع ويدعون الى عدم اعتبار المرأة عورة تساق وتباع وتشترى ويستهزؤون بفتاوى العز والكرامة التي تطلقها أفواه علمائنا من فتوى التبرك ببول الرسول الكريم الى فتوى ضرورة ارضاع المرأة لزميلها في العمل حتى تشرع خلوتهما وصولا الى فتوى اباحة دم كل من يدعو الى الاختلاط.

انهم الكفرة الذين يدعوننا الى ترك التعصب والمجادلة بالحسنى ، هؤلاء هو نفسهم الذين دافعوا كثيرا عن تلك المتصهينة عدوة الله التي غنت باللغة العبرية الكريهة ويدافعون على النموذج العلماني ويعتبرونه الحل للخروج من عنق زجاجة التعصب الديني ويساندون كل مفكر ينتقد رمزا من رموز ديننا ويشككون في ذلك الفيديو المبارك الذي يظهر ساحرة وقد مسخت في شكل كلب...


انهم من رسموا لأنفسهم طريقا مغايرا لا أحد لديه الحق في قمعه ويتم وصفهم بما كتب أعلاه وبكلمات لا يسمح المقام بنشرها انهم مساندوا ديمقراطية الكلمة وحرية الجهر بالمعتقد والكافرون بترهيب من وصوا أنفسهم على الدين، انهم اصحاب الكلمة الحرة الذين يلقون الويلات من هؤلاء الذين يقحمون أنوفهم دائما في ما يخصهم وما لا يخصهم، انهم من يُسبون ويُشتمون لأنهم حادوا عن السرب واختاروا لأنفسهم اعتقادات مغايرة

أتركوهم فلا أحد وصي على الآخر وانزعوا عنكم عباءة النفاق الديني التي تخلعونها في الخفاء وتتباهون بارتدائها في العلن وعلى صفحات الشبكة الاجتماعية أتركوهم فلا أحد من حقه اهدار دم آخر تحت غطاء الدين أتركوهم فلن نتقدم الا باختلاف الآراء وعدم خنق أنفاس الحرية أتركوهم فلن تزيدنا سياسة الترهيب وفتح رشاشات التهديدات الا تدهورا الى الوراء…


حمدا لله أن الفايسبوك ليس صناعة تونسية أو عربية حينها كان سيتحول الى نسخة طبق الاصل من قناة الناس ومثيلاتها ومنبرا للتكفير واراقة دم أصحاب الفكر الحر وأختم بجملة لفولتير قالها في صيحته المعروفة "أسحقوا العار" حين ثار العنف الديني الطائفي في فرنسا بين الكاثوليك والبروتستانت وهي جملة لم يسمع بها الغالببية العظمة منا "لست مؤمنا بشئ مما تقول، لكني على استعداد أن أدفع حياتي ثمنا لكي تحصل على حقك في التعبير"

حمدي مسيهل
de babnet.net

لست مسلماً إن لم تقرأ هذه التدوينة ؟؟!!!!!

أكهو عاد يزي فديت راني توا لحكاية ماشية وتكبر وتزيد كل مرة تخلف وهبال وجهل

هل الدعاوي الالكترونية راهي مرضتني توا الواحد كيفاش يجد عليه و يمشي في بالو بش يولي داعية ويلم فالأجر عل انترنت والفايسبوك

والمشكلة كي تقلو حاجة متعرفهاش متعملهاش يجاوبك من إجتهد ولم يصب فله الأجر الواحد

يا ولدي راك تزيد تسيء لدين متاعك وتحرف فيه شنوا هذي فان دالله وبخلاف أنشر ولك الأجر (دون الاستناد إلى مرجع وضح في حكاية الاجر )
أخر حكاية نطقتني من جنابي هي هذي

توا الواحد كفره ولا الحادو مربوطة في كليك ,ملا ثقافة وملا مستوى: معناها (بغض النظر عن تديني من عدمه) لازمني بش نخلي عندي أمل فالإسلام نتفرج وإلا أنا مانيش مسلم وكان تفرجت رهو ممكن مسلم ممكن لا يا خويا فوق عليك أنا مانيش متفرج ومسلم بسيف عليك

أهوكة من كثر ماعجبتني لحكاية عملت عنوان كيفو
ومسكين من لم يقرأ سيحرم من الجنة وأنهارها والحور العين يا سيدي ملخر بش تمشيلو لتالي ومهوش بش يولي يشوف وبش يموت (والله) كان مايموت زادة

أكهو عادة من كثر الهم الحمدلله زادة وصلتني حاجة من عند صاحبي تخفف شوية عليا هاني بش نبوستيها (فماش منربح) وبش تكون ردي الأخير عل دعاوي الالكترونية

da3awi ilektroniyya marra o5ra

wselni el message hadha men contact 3al facbook
9olt barra na9rah yatla3ch fih logik






NE DIS PAS À DIEU COMBIEN TON PROBLÈME EST GRAND,

DIS PLUTÔT À TON PROBLÈME COMBIEN DIEU EST GRAND.



Seule ta lumière guidera mon cœur.



Lis ceci seulement si tu as un peu de temps pour Dieu.

Laisse-moi te dire de lire ceci ; lis cette histoire jusqu'à la fin.

IMPORTANT : Lis-le seulement si tu as du temps pour Dieu.





FACILE OU DIFFICILE.



*
Pourquoi est-ce si difficile de dire la vérité et si facile de mentir ?

*
Pourquoi a-t’on sommeil dans la mosquée et dès que la prière est fini, on est tout à fait réveillé ?

*
Pourquoi est-ce difficile de parler de Dieu et si facile de dire des insanités ?

*
Pourquoi est-ce si ennuyeux de lire le Coran et si divertissant

d’en lire une obscène ?

*
Pourquoi est-ce si facile d’effacer les messages concernant Dieu et d’en envoyer une obscène ?

*
Pourquoi les mosquées se vident et les bars et discothèques se remplissent de plus en plus ?

Ça t’ennuie ! Pense-tu envoyer ce message ou va tu l’effacer ?

Avant tout, souviens- toi que Dieu t’observe !

La chaine de la prière, voyons voir si le diable peu stopper celle-ci !!

Voici ce que cette chaine signifie lorsque tu recevras ce message,

fais une prière pour celui qui te l’a envoyé, c’est tout ce que tu dois faire, c’est simple et d’un grand pouvoir.

N’interromps pas cette chaine s’il te plait, de tous les cadeaux que nous pouvons recevoir, la prière est la meilleure de tous.

Ça ne coûte rien et ça t’apporte de merveilleuses récompenses. Dieu te bénit !

Que Dieu te garde et te bénisse !

Si ces quelques phrases ne t’interpellent pas, rien d’autres ne le fera.

Ce message est vrai..

J’espère que tu seras bénis en lisant ce message.

Ne laissé pas Satan à te faire devier le chemin de la vérité car il se dit avoir le pouvoir du monde et NON C'EST FAUX SEUL DIEU À LE POUVOIR DU MONDE. Il a parié de prendre plein de gens dans son chemin,puis il dit:



Ah ! Je vais me jouer d’eux!

Je leur apprendrai à se marier et divorcer,

comment haïr et abuser les uns des autres,

à boire et à fumer, et de surcroit,

je leur apprendrai à construire des bombes pour qu’ils se tuent entre eux. Vraiment je vais me divertir !!



!!!Notez bien!!!

*
N’est-ce pas curieux avec quelle facilité on nie Dieu

et après on se demande pourquoi le monde devient un enfer ?

*
N’est-ce pas curieux comment on peut dire, « je crois en Dieu et on suit satan » ?

*
N’est-ce pas curieux qu’on envoie des milliers de messages,

blagues et autres à travers le courrier électronique et ils se répandent à la vitesse de l’éclair MAIS quand tu commence à envoyer des messages qui parle de DIEU, les gens pensent deux fois avant de les transférer ?

*
N’est-ce pas curieux que quand viendra le moment d’envoyer ce message tu ne sélectionneras pas la plupart de tes contacts, tu douteras de ce qu’ils vont penser de toi ?

Je prie pour ceux qui transfèreront ce message à tous leurs contacts

car ils seront bénis par Dieu d’une façon spéciale !





sam7ouni amma rani bahhemt mnin 9rit ce message est vrai
w mazelt n5ammem fel façon spécial

svp ya dou3at alinternet chwayya mante9 w tafkir
w bjah rabbi fassrouli kan 3andi alajr hani nchart messagekoum en tt k

radd 3la kol altadwinat al ramadhaniyya

1-mahou 3ad altadwin fi touness fi aghlabiytou mounassabati (w hadhi 7kaya o5ra) fa innou barcha articlat (jam3 article) tketbou fellayamat hadhi 3la ramdhan ana ya sidi ben sid 7abbit juste n9oul lennas illli 9alet illi ramadan yna99es fel intajiyya w moudher w illi eldawla terba7 men wara2ou rahou èabbit n9oul illi hahdha mouch s7i7.3lach??

2- a3rfou ya nass innou barcha foutou7at aw 7ouroub charak fiha elmouslimoun saret fi ramadhan wal gharib inna intajiyethoum el7arbiyya kanet fi 9emmat'ha nadharan li tamassoukihem bel 7ayat (reb7ou ma3naha). bon hadha maya3nich innou el intajiyya matahbetch mé rahou a3rfou illi hadhi ma3andhach 3ala9a belsawm: ti 7aja kil mousalsalat fi t7 wella lebrika 3attawla :ettounsi intajiytou betbi3et'ha null 5alli 3ad ki yal9a sebla

3-choufou 3ad zada famma chkoun ya7ki 3la fawa2ed essawm se77a w nachat w ta3adhoud ijtima3i zidlou chwayya conséquence indirecte se77a=tan9iss felmaradh=intajiyya w famma chkoun wsell bel égalité 7atta reb7 l'assurance...

4- ya nass rahou mouch lazemna nsimou 3la 5ater fawa2ed ramadhan wella nouftrou 7ifadhan 3la elintajiyya mena altadahwerr rahou la7kaya eldiniyya w ma fiha marbouta fi kelma wa7da ; ALIMEN ma3naha bach temmen idha inta temmen belsyam wella sahla la7kaya la test7a9 majhoud fekri la 7atta chay inta temmen b7aja tans7ek belsyam wella mahiach mawdhou3 kbir yest7a99 7atta tadwina (inclu fihoum hadhiyya)

5-wa dima kif man9oulou romdhankoum mabrouk kif ma zada cha3bankoum w chawwalkoum w décememberkoum w yezzi bla tadwinet 5dhet mawdhou3 eldine wal tmes5ir alghayr banna2 lih. el mawadhi3 barcha rahiana wa7ed mennas 9bal man3awed na3mel blog kont na9ra lel metallistic, el clandestin, normalland,trapboy, w nel9ahoum yetfahmou fi 7ajat 3an chou3our wella menghirou w ila an youwa77edakoum 3ammar404 kol 3am wal 9offa altounisyya tourfa3 fi ramadhan walla men ghir mzeytou w koul 3am wentou tdawnou