lundi 28 décembre 2009

لست مسلماً إن لم تقرأ هذه التدوينة ؟؟!!!!!




أكهو عاد يزي فديت راني توا لحكاية ماشية وتكبر وتزيد كل مرة تخلف وهبال وجهل


هل الدعاوي الالكترونية راهي مرضتني توا الواحد كيفاش يجد عليه و يمشي في بالو بش يولي داعية ويلم فالأجر عل انترنت والفايسبوك





والمشكلة كي تقلو حاجة متعرفهاش متعملهاش يجاوبك من إجتهد ولم يصب فله الأجر الواحد


يا ولدي راك تزيد تسيء لدين متاعك وتحرف فيه شنوا هذي فان دالله وبخلاف أنشر ولك الأجر (دون الاستناد إلى مرجع وضح في حكاية الاجر )
أخر حكاية نطقتني من جنابي هي هذي


توا الواحد كفره ولا الحادو مربوطة في كليك ,ملا ثقافة وملا مستوى: معناها (بغض النظر عن تديني من عدمه) لازمني بش نخلي عندي أمل فالإسلام نتفرج وإلا أنا مانيش مسلم وكان تفرجت رهو ممكن مسلم ممكن لا يا خويا فوق عليك أنا مانيش متفرج ومسلم بسيف عليك

أهوكة من كثر ماعجبتني لحكاية عملت عنوان كيفو
ومسكين من لم يقرأ سيحرم من الجنة وأنهارها والحور العين يا سيدي ملخر بش تمشيلو لتالي ومهوش بش يولي يشوف وبش يموت (والله) كان مايموت زادة


أكهو عادة من كثر الهم الحمدلله زادة وصلتني حاجة من عند صاحبي تخفف شوية عليا هاني بش نبوستيها (فماش منربح) وبش تكون ردي الأخير عل دعاوي الالكترونية





2 commentaires:

IL PADRINO a dit…

المشكل انو الناس الي تنشر في هالسبام على الفايسبوك هي ناس ابعد مايكون عن التدين !!!!! ومايعرفوا شي عالالام الا انهم تولدوا من اب وام مسلمين !!

extrablog a dit…

oui c'est vraiment ça le problème